საგანმანათლებლო კონკურსი - ,,ქართული ღვინის გზა“

კავკასიის საერთაშორისო უნივერსიტეტი

საგანმანათლებლო კონკურსი - ,,ქართული ღვინის გზა“

დებულება

საგანმანათლებლო კონკურსი - ,,ქართული ღვინის გზა“ (შემდეგში - „კონკურსი“) კავკასიის საერთაშორისო უნივერსიტეტის ბაზაზე მოქმედი საავტორო პროექტია.

კონკურსის მიზანია:

კონკურსანტმა თავის ნაშრომში წარმოადგინოს ინფორმაცია საქართველოს კუთხეების მიხედვით, თავის რეგიონში გავრცელებული ვაზის ჯიშებისა და ღვინის სახეობების, ღვინის დაყენების ტექნოლოგიის განვითარების შესახებ უძველესი დროიდან დღემდე; მოგვითხროს საკუთარი თვალით დანახული ამბავი ქართული ვაზისა და ღვინის შესახებ.

კონკურსში მონაწილეობის მიღება შეუძლია საქართველოს ყველა საჯარო და კერძო სკოლის საშუალო საფეხურის მე-11 და მე-12 კლასების მოსწავლეებს.

კონკურსი ჩატარდება სამ ეტაპად:

I ეტაპი - რეგისტრაცია, ნაშრომების გადმოგზავნა - 2019 წლის 15 მარტიდან - 10 აპრილამდე;

II ეტაპი - ნამუშევრების შერჩევა და მონაწილეებისათვის შედეგების შეტყობინება - 2019 წლის 15 აპრილი;

III ეტაპი - გამარჯვებულთა საზეიმო დაჯილდოვება - 2019 წლის 20 აპრილი.

• კონკურსში მონაწილეობის მსურველმა მოსწავლემ განაცხადი და საკონკურსო მასალა უნდა გადმოაგზავნოს შემდეგ ელექტრონულ მისამართზე: qartuligvinisgza@ciu.edu.ge
• განაცხადში უნდა მიეთითოს ინფორმაცია კონკურსანტისა და ხელმძღვანელის შესახებ (კონკურსანტის სახელი/გვარი, ქალაქი/სოფელი, სკოლა, კლასი, ტელ. ნომერი, ხელმძღვანელის სახელი/გვარი, ხელმძღვანელის ტელ. ნომერი, ნაშრომის სახელწოდება); კომისია არ განიხილავს არასრულად შევსებულ განაცხადებსა და დაწყებითი და საბაზო საფეხურის მოსწავლის ნაშრომს;

• ნამუშევრის შექმნის პირობები თავისუფალია. ნაშრომი სასურველია, შეიცავდეს ფოტო ან ვიდეომასალას (არაუმეტეს 10 წუთი). შესაძლოა, სრულად წარმოდგენილი იყოს როგორც წერილობითი, ასევე ვიდეო მასალის სახით (გადაღება შეიძლება ნებისმიერი ტექნიკური საშუალებით, მათ შორის, მობილური ტელეფონით).

საკონკურსო ნამუშევრებს შეაფასებს სპეციალური კომისია 20 ქულიანი სისტემით.

შეფასების კრიტერიუმები:

• შერჩეული თემის შინაარსობრივი მხარე, აქტუალობა - 6 ქულა;
• ანალიტიკური ხედვა და კვლევის უნარი - 4 ქულა;
• კრეატიულობა, შემოქმედებითი მიდგომა - 4 ქულა;
• ნაშრომის სტრუქტურა (ლაკონიურობა, შესაბამისობა) - 3 ქულა;
• ვიდეოჩანაწერის ან ფოტომასალის ფორმის ორიგინალობა - 3 ქულა.

პროექტის ავტორი და ხელმძღვანელი მარინა უგულავა

საკონტაქტო ნომერი: 577 211444

იხილეთ თანდართული ფაილი - ანკეტა