საგანმანათლებლო კონკურსი - „ეს ჩვენი მეფე ერეკლე...“

საგანმანათლებლო კონკურსი - „ეს ჩვენი მეფე ერეკლე...“ კავკასიის საერთაშორისო უნივერსიტეტის საავტორო პროექტია, რომლის მიზნებია:

• მოსწავლეების მიერ ერეკლე II-ის ცხოვრებისა და მოღვაწეობის უკეთ გაცნობა;
• კვლევითი, მაღალი სააზროვნო, კომუნიკაციისა და კონკურენტულ გარემოში თანამშრომლობის უნარების განვითარება;
• სკოლებსა და უმაღლეს სასწავლებელს შორის კონტაქტის დამყარება;
• უნივერსიტეტის საქმიანობის გაცნობა და სამომავლო საგანმანათლებლო პროცესებში ჩართვა.

კონკურსი ეძღვნება მეფე ერეკლეს დაბადებიდან 300 წლისთავს.

პროექტში მონაწილეობა შეუძლია საქართველოს მასშტაბით ყველა საჯარო და კერძო სკოლის მე-11 და მე-12 კლასის მოსწავლეებს.

საგანმანათლებლო კონკურსი შედგება 3 სექციისგან (კონკურსანტმა უნდა აირჩიოს მხოლოდ ერთი სექცია):

• ჟურნალისტიკა;
• ტურიზმი;
• ესსეისტიკა.

კონკურსანტმა საკონკურსო მასალა უნდა გადმოაგზავნოს შემდეგ ელექტრონულ მისამართზე: schoolprojects@ciu.edu.ge

პროექტის ავტორი და ხელმძღვანელი - მარინა უგულავა. ტელ: 577 211444

ჟურნალისტიკის სექცია

ჟურნალისტიკის სექციაში კონკურსანტის მიზანია, მეფე ერეკლეს ცხოვრებისა და მოღვაწეობის თემატიკაზე მოამზადოს სიუჟეტი (ვიდეოჩანაწერი), რომლის ქრონომეტრაჟი განსაზღვრულია არაუმეტეს 3 წუთისა;

სიუჟეტზე ჯგუფური მუშაობა დასაშვებია (არაუმეტეს 3 მოსწავლე);

ეტაპები:

• 23 თებერვლის ჩათვლით - რეგისტრაცია და ვიდეოჩანაწერის გადმოგზავნა;
• 4 მარტის ჩათვლით - კომისიის მიერ ვიდეოჩანაწერების განხილვა და შერჩევა;
• 6 მარტი, 10:00 სთ - II ეტაპზე გადასული ვიდეოჩანაწერების პრეზენტაცია (ონლაინ პლატფორმა Zoom-ის მეშვეობით);
• 6 მარტი, 13:00 სთ - გამარჯვებულთა გამოვლენა/დაჯილდოება.

კონკურსანტის მიერ წარმოდგენილი სიუჟეტი, კონკურსის თემატიკიდან გამომდინარე, უნდა ეხებოდეს მეფე ერეკლესთან დაკავშირებულ საინტერესო ამბებს: ბრძოლები, დიპლომატიური საკითხები, სამეფო ოჯახი, შთამომავლების ისტორია და სხვა.

ვიდეოჩანაწერის დამზადება ნებისმიერი ტექნიკური საშუალებითაა შესაძლებელი (კონკურსანტის მიერ გამოგზავნილი ვიდეოჩანაწერი ფასდება 10 ქულიანი სისტემით).

შეფასების კრიტერიუმები:

კონკურსის პირობებსა და თემატიკასთან შესაბამისობა, კერძოდ:

• რამდენად სიღრმისეულად არის გამოკვლეული/განხილული საკითხი;
• რამდენად გასაგებია, საინტერესოა, მიმზიდველია ნამუშევარი მსმენელისა ან მკითხველისთვის - 3 ქულა;
• თემის აქტუალურობა - 3 ქულა;
• შემოქმედებითი ხედვა: რამდენად ორიგინალურია, კრეატიულია, ფასეულია ნამუშევარი შემოქმედებითი თვალსაზრისით - 4 ქულა.

ჟურნალისტიკის სექციის სარეგისტრაციო ანკეტა

კონკურსანტმა მინიმალურად უნდა გამოიყენოს ინტერნეტით გავრცელებული ინფორმაცია და ვიდეოკადრები; პრეზენტაციაში აუცილებლად უნდა იყოს მითითებული გამოყენებული ლიტერატურა და ინტერნეტრესურსები.

ტურიზმის სექცია

(ვირტუალური ექსკურსია)

ტურიზმის სექციაში კონკურსანტის მიზანია, მოამზადოს ვირტუალური ექსკურსია მის მიერ შერჩეულ ადგილზე, რომლის ისტორიაც უკავშირდება მეფე ერეკლეს. კონკურსანტმა უნდა შეარჩიოს მარშრუტი და არგუმენტირებული მსჯელობით დაარწმუნოს კომისია თავისი არჩევანის უპირატესობაში, წარმოადგინოს საკუთარი ხედვა ამ კონკრეტული ადგილის შემდგომი განვითარების პერსპექტივის შესახებ.

ეტაპები:

• 23 თებერვლის ჩათვლით - რეგისტრაცია და ვიდეოჩანაწერის გადმოგზავნა;
• 4 მარტის ჩათვლით - კომიისიის მიერ ვიდეოჩანაწერების განხილვა და შერჩევა;
• 6 მარტი, 14:00 სთ - II ეტაპზე გადასული ვიდეოჩანაწერების პრეზენტაცია (ონლაინ პლატფორმა Zoom-ის მეშვეობით);
• 6 მარტი, 17:00 სთ - გამარჯვებულთა გამოვლენა/დაჯილდოება.

შეფასების კრიტერიუმები:

კონკურსანტის მიერ გამოგზავნილი ვიდეოჩანაწერი ფასდება 10 ქულიანი სისტემით:

• მარშრუტის პრეზენტაცია 8-10 წუთი (ყურადღება მიექცევა მოპოვებული მასალის სიღრმეს, ავთენტურობას: - მოკლე ისტორიულ-გეოგრაფიული ანოტაცია, კულტურული და ბუნებრივი ღირსშესანიშნაობანი, ფოლკლორი, ადათ-წესები) - 3 ქულა;
• პრეზენტაციის თანმხლები ტექსტი (წერის, მეტყველებისა და თხრობის მანერა): 1-1 ქულა, ჯამში 3 ქულა;
• პრეზენტაციის ვიზუალური მხარე (ვიდეოჩანაწერის თანდართვით) - 2 ქულა, ვიდეოჩანაწერის გარეშე - 1 ქულა;
• ინფორმაციული და საკომუნიკაციო ტექნოლოგიების გამოყენება (ანიმაციებისა და სპეცეფექტების გამოყენების გარეშე) - 1 ქულა, ანიმაციებისა და სპეცეფექტების გამოყენებით - 2 ქულა.

ტურიზმის სექციის სარეგისტრაციო ანკეტა

კონკურსანტმა მინიმალურად უნდა გამოიყენოს ინტერნეტით გავრცელებული ინფორმაცია და ვიდეოკადრები; პრეზენტაციაში აუცილებლად უნდა იყოს მითითებული გამოყენებული ლიტერატურა და ინტერნეტრესურსები.

ესსეისტიკის სექცია

თემატიკა (კონკურსანტი ირჩევს ერთ-ერთ თემას):

1. ნიკოლოზ ბარათაშვილის ,,ბედი ქართლისა“ და ერეკლე II-ის ცხოვრება და მოღვაწობა;

(კონკურსანტი, თემატიკიდან გამომდინარე, არგუმენტირებულად აფასებს ნ. ბარათაშვილის შემოქმედებას ისტორიულ ჭრილში)

2. ერეკლე II - დიდი მხედართმთავარი;

(ერეკლე მეფის, როგორც მხედართმთავრის წარმატების ისტორიები)

3. ერეკლე II და ევროპული განათლება;

(ხელმწიფის ღვაწლი საქართველოში ევროპული განათლების დანერგვის კუთხით)

ეტაპები:

• 23 თებერვლის ჩათვლით - რეგისტრაცია და ესსეს გამოგზავნა;
• 4 მარტის ჩათვლით - კომისიის მიერ ესსეების განხილვა და საუკეთესო ნაშრომების შერჩევა;
• 7 მარტი, 11:00 სთ - II ეტაპზე გადასული ესსეების პრეზენტაცია (ონლაინ პლატფორმა Zoom-ის მეშვეობით);
• 7 მარტი, 14:00 სთ - გამარჯვებულთა გამოვლენა და დაჯილდოება.

შეფასების კრიტერიუმები:

კონკურსანტის მიერ გამოგზავნილი ნაშრომი ფასდება 10 ქულიანი სისტემით:

• მსჯელობა და ლოგიკური აზროვნება - 2 ქულა;
• მეფე ერეკლეს ცხოვრებისა და მოღვაწეობის სიღრმისეული ცოდნა - 2 ქულა;
• დასაბუთება, პარალელები და არგუმენტი - 2 ქულა;
• ესსეს აგება და ადეკვატურობა - 2 ქულა;
• ესსეს ენა და სტილი - 2 ქულა.

ესსეისტიკის სექციის სარეგისტრაციო ანკეტა

კონკურსანტმა ნაშრომში მინიმალურად უნდა გამოიყენოს ინტერნეტით გავრცელებული ინფორმაცია. პრეზენტაციაში აუცილებლად უნდა იყოს მითითებული გამოყენებული ლიტერატურა და ინტერნეტრესურსები.