ონლაინ ლექცია გაიმართა თემაზე - „ბიოლოგიური ომისა და ბიოტერორიზმისაგან მომდინარე გლობალური საფრთხეები“.

18 მაისს კავკასიის საერთაშორისო უნივერსიტეტის ონლაინ ლექცია გაიმართა თემაზე - „ბიოლოგიური ომისა და ბიოტერორიზმისაგან მომდინარე გლობალური საფრთხეები“.

ონლაინ ლექციას უძღვებოდნენ კავკასიის საერთაშორისო უნივერსიტეტის პროფესორი, პოლიტიკის მეცნიერებათა დოქტორი, ექსპერტი უსაფრთხოების საკითხებში - ვახტანგ მაისაია და პოლიტიკის მეცნიერების დოქტორანტი, კავკასიის საერთაშორისო უნივერსიტეტის ასისტენტი, საერთაშორისო უსაფრთხოების ანალიტიკოსი - ალიკა გუჩუა.

მომხსენებლებმა ისეთი მნიშვნელოვანი საკითხები მიმოიხილეს, როგორიცაა: მასობრივი განადგურების იარაღის სახეობები; მათი გაუვრცელებლობის საერთაშორისო ხელშეკრულებები; ბიოლოგიური აგენტი; ენტომოლოგიური ომი და სხვ.

შეხვედრის მეორე ნაწილი კი სტუდენტებთან კითხვა-პასუხის რეჟიმით წარიმართა. მათი კითხვები ძირითადად საქართველოსა და მსოფლიო პოლიტიკის აქტუალურ საკითხებს უკავშირდებოდა, რამაც საინტერესო და აქტიური დისკუსია გამოიწვია.