კავკასიის საერთაშორისო უნივერსიტეტი „ქართული ღვინის ფესტივალზე“

12 ოქტომბერს, შარდენზე, „ქართული ღვინის ფესტივალი 2019“ გაიმართა, რომლის გენერალური სპონსორი კავკასიის საერთაშორისო უნივერსიტეტი იყო. ფეს­ტი­ვალ­ში, რო­მე­ლიც „პა­ლიტ­რა მე­დი­ას“, მე­დი­ა­პორ­ტა­ლ allwine.ge-სა და „მე­ი­დან ჯგუ­ფის” ორ­გა­ნი­ზე­ბით უკვე მე­სა­მედ ჩატარდა, მონაწილეობას იღებდნენ რო­გორც დიდი კომ­პა­ნი­ები, ასე­ვე მცი­რე მარ­ნებ­ი და სტარტაპები.

ფესტივალზე კავკასიის საერთაშორისო უნივერსიტეტმა თავის სტენდზე სტუდენტური ხაზით შექმნილი ღვინოები წარმოადგინა, რომლებმაც ქართველ და უცხოელ სტუმართა შორის დიდი მოწონება დაიმსახურეს - „საფერავი“; „ვარდისფერი საფერავი“; „რქაწითელი“; „ქვევრის რქაწითელი“; „თავკვერი“; „ციცქა ცოლიკოური“; „კაბერნე სოვინიონი“; „ველური ვაზი“.

ფესტივალზე სიტყვით წარსდგა კავკასიის საერთაშორისო უნივერსიტეტის რექტორი კახაბერ კორძაია. მან სიტყვით გამოსვლისას ფესტივალის მნიშვნელობასა და მევენახეობა-მეღვინეობის ფაკულტეტზე ისაუბრა, რომელიც კავკასიის საერთაშორისო უნივერსიტეტის ერთ-ერთი პრიორიტეტული მიმართულებაა.

ფესტივალის ფარგლებში ასევე ჩატარდა კსუ-ს ქართული მევენახეობა-მეღვინეობის სამაგისტრო პროგრამის კურსდამთავრებულისა და ფაკულტეტის უფროსი მეცნიერ-თანამშრომლის შენგელი კიკილაშვილის მასტერკლასი, ღვინისა და მისი დეგუსტაციის შესახებ.

დასასრულს კი სტუმართა წინაშე წარსდგა კავკასიის საერთაშორისო უნივერსიტეტის ანსამბლი „კავკასიელი“, ბეჟან წინწალაშვილის ხელმძღვანელობით, რომლებმაც 3 მუსიკალური ნომერი შეასრულეს.