საერთაშორისო კერძო მეწარმეობის ცენტრის ექსპერტმა კამელია ბულატიმ კსუ-ს სტუდენტებს ტრენინგი ჩაუტარა

კსუ-ს საერთაშორისო ურთიერთობების დეპარტამენტის ორგანიზებით, სტუდენტებისთვის ტრენინგი თემაზე - „ბიზნეს ასოციაციების როლი საქართველოში“, - გაიმართა. 

ტრენინგს საერთაშორისო კერძო მეწარმეობის ცენტრის ექსპერტი (Center for International Private Enterprise (CIPE) კამელია ბულატი წარუძღვა, რომელმაც სტუდენტებთან ერთდღიანი ბიზნეს ასოციაციის პროგრამის ფარგლებში, განიხილა ისეთი თემები როგორიცაა: ბიზნეს ასოციაციის როლი; ამ ტიპის ორგანიზაციების სპეციფიკურობა: კერძო კომპანიებთან და საჯარო დაწესებულებებთან შედარებითი ანალიზი; ბიზნეს ასოციაციის შექმნის პროცედურები და მუშაობის ძირითადი ელემენტები.

აღსანიშნავია, რომ ტრენინგის მეორე ნაწილში სტუდენტებს საკუთარი ბიზნეს ასოციაციების მოდელირების შესაძლებლობა მიეცათ, რაც მათი პრაქტიკული უნარ-ჩვევების განვითარებას ემსახურებოდა.

ტრენინგზე ასევე USAID-ის წარმომადგენელმა სტუდენტებს ინფორმაცია მიაწოდა „მმართველობა განვითარებისთვის“ პროექტის ფარგლებში გამოცხადებულ ფოტო და ვიდეო კონკურსის შესახებ - „რეფორმა პრიზმაში“, -  რომელშიც მონაწილეობის მიღება შეუძლიათ კსუ-ს სტუდენტებს. კონკურსის შესახებ დეტალური ინფორმაცია შეგიძლიათ იხილოთ ბმულზე:  https://www.facebook.com/G4G-305788096275110/

შეხვედრის დასასრულს კამელია ბულატიმ მონაწილეებს სერტიფიკატები გადასცა.

სტუმარი კსუ-ს აშშ-ს საერთაშორისო განვითარების სააგენტოს (USAID) პროექტის  „მმართველობა განვითარებისთვის (G4G)“ ფარგლებში ეწვია.