რაგბის სტუდენტური ჩემპიონატი

კავკასიის საერთაშორისო უნივერსიტეტი საუნივერსიტეტო სპორტის ფედერაციის მიერ ორგანიზებულ ტურნირებში მონაწილეობას აქტიურად განაგრძობს.

ამჯერად, კსუ, რაგბის სტუდენტურ ჩემპიონატში ჩაერთო.  

ჩემპიონატი 4 და 5 ივლისს ჩატარდა და მასში საქართველოს ათი უმაღლესი სასწავლებლის სარაგბო გუნდმა იასპარეზა.

სტუდენტური ჩემპიონატის ფარგლებში, კსუ-ს შვიდკაცა რაგბის გუნდმა სულ 7 თამაში გამართა და ისეთი უნივერსიტეტების დამარცხება შეძლო, როგორებიცაა: კავკასიის უნივერსიტეტი, ივანე ჯავახიშვილის სახელობის თბილისის სახელმწიფო უნივერსიტეტი, გურამ თავართქილაძის სასწავლო უნივერსიტეტი და თბილისის სახელმწიფო სამედიცინო უნივერსიტეტი.

კსუ-ს ჩატარებული თამაშებიდან საუკეთესო მბოჭავებად გუნდის კაპიტანი ზურა ბერიძე, გოჩა იაშვილი და ირაკლი ბანძავა დასახელდნენ, ყველაზე მეტი ლელოს ავტორებად კი - ზურა ბერიძე და გოჩა იაშვილი.   

საბოლოო შედეგებით, კავკასიის საერთაშორისო უნივერსიტეტის გუნდმა სატურნირო ცხრილში მეოთზე ადგილის დაკავება შეძლო.

შეგახსენებთ, რომ უნივერისტეტის გუნდი ვლადიმერ დოლაბერიძის მწვრთნელობით ორი წელია ასპარეზობს.