ურთიერთთანამშრომლობის მემორანდუმი

10 მარტს კავკასიის საერთაშორიოს უნივერსიტეტის კანცლერმა ვახტანგ წივწივაძემ  და ქართული ტრადიციული ღვინის ფონდის თავჯდომარემ დავით - აბბა ალავერდელმა მიტროპოლიტმა, ურთიერთთანამშრომლობის მემორანდუმს მოაწერეს ხელი.

აღნიშნული მემორანდუმის საფუძველზე ფონდი უნივერსიტეტის პროფესორ-მასწავლებლებისა და სტუდენტების სამეცნიერო-კვლევით საქმიანობასა და პრაქტიკული კომპონენტების განხორციელებას, საკუთარ მატერიალურ-ტექნიკურ  ბაზაზე უზრუნველყოფს. სტუდენტებს საშუალება ექნებათ საველე თუ კვლევით საქმიანობაში აქტიური მონაწილეობა მიიღონ.

მემორანდუმს ხელი კსუ-ს მარანი ,,კოლხის“ ბაზაზე მოეწერა. სტუმრებს უნივერსიტეტის წარმომადგენლებმა ენოქიმიის, ამპელოგრაფიის, სადეგუსტაციო ოთახი, ღვინისა და ვაზის გენეტიკა-სელექციის ლაბორატორია და  ბიბლიოთეკა უჩვენეს - ლაბორატორიები უახლოეს პერიოდში სრული დატვირთვით ამუშავდება  და სტუდენტებს საშუალება ექნებათ ადგილზე აწარმოონ კვლევითი კომპონენტები.

კსუ-ს კანცლერის მოადგილის ქეთევან ჯურხაძის თქმით, ამ ბაზაზე სპეციალური მიმღები ამუშავდება, რომელიც მცირე მეწარმეებისთვის ღვინის ანალიზების ჩატარებას უზრუნველყოფს, რაც კიდევ ერთი წინ გადადგმული ნაბიჯი იქნება ხარისხიანი და ჯანსაღი  ღვინის დამზადების საქმეში.