„წარმატების ალგორითმი“ - ზაზა ცოტნიაშვილის ვორქშოფი მოსწავლეებისთვის

5 თებერვალს კავკასიის საერთაშორისო უნივერსიტეტში პროფესორ ზაზა ცოტნიაშვილის ვორქშოფი გაიმართა თემაზე: „წარმატების ალგორითმი“.

თბილისის საჯარო და კერძო სკოლების მოსწავლეებთან ზაზა ცოტნიაშვილმა ისაუბრა მიზანმიმართული, კონცენტრირებული აზროვნებით წარმატების მიღწევის გზებზე, ასევე, ისეთ მნიშვნელოვან საკითხებზე, როგორიცაა: მოტივაცია და წარმოსახვის უნარი; ოცნება, იდეა, გეგმა, განხორციელება; იკიგაი; დასაქმებული თუ დამსაქმებელი?; კომფორტის ზონის საფრთხე; დიმიტრი უზნაძე - განწყობა; რიჩარდ ბრენსონი - Just Do It!; ნაპოლოენი ჰილი - წარმატების კანონები.

ვორქშოფის დასასრულს მონაწილეებს სერტიფიკატები გადაეცათ.

შეგახსენებთ, რომ პროფესორი ზაზა ცოტნიაშვილი კავკასიის საერთაშორისო უნივერსიტეტის ჟურნალისტიკის საბაკალავრო პროგრამის ხელმძღვანელია, ასევე მედიის კვლევებისა და მულტიმედია წარმოების სამაგისტრო პროგრამის ხელმძღვანელი.