24 აპრილს კავკასიის საერთაშორისო უნივერსიტეტის მევენახეობა-მეღვინეობის ფაკულტეტის ორგანიზებით და ესპანური განათლებისა და კულტურის ცენტრ „იბერიას“ მხარდაჭერით, ესპანელი მეღვინის, ალვარ დე დიოს ერნანდესის მასტერკლასი გაიმართა.
შეხვედრის ფაგლებში, ესპანელმა სტუმარმა მსმენელებს მევენახეობა-მეღვინეობის მიმართულებით, საკუთარი გამოცდილება გაუზიარა. ისაუბრეს როგორც ესპანურ, ასევე ქართულ ღვინოსა და მათ ნაირსახეობებზე. ასევე, აღინიშნა კავკასიის საერთაშორისო უნივერსიტეტის სტუდენტებთან დაკავშირებული შეთანხმება, რომელიც კიდევ უფრო აქტიურს გახდის ესპანურ უნივერსიტეტებსა და მარნებთან თანამშრომლობას.
ონლაინ-შეხვედრას 50-მდე სტუმარი ესწრებოდა, მათ შორის იყვნენ სტუდენტები, ღვინის ეროვნული სააგენტოს წარმომადგენლები, მარნების წარმომადგენლები და უნივერსიტეტის ადმინისტრაციული/აკადემიური პერსონალი.
აღსანიშნავია, რომ ფაკულტეტის ონლაინ აქტივობები ყოველკვირეულად იგეგმება და მასში მონაწილეობა სფეროთი დაინტერესებულ ნებისმიერ მსურველს შეუძლია.
შემდეგი ონლაინ-შეხვედრა 3 მაისს, 20:00 სთ-ზე იგეგმება, სადაც ალვარ დე დიოს ერნანდესი მევენახეობა-მეღვინეობაში ბიო მიმართულებაზე ისაუბრებს.
ადრესატი
თქვენი სახელი
ელ-ფოსტა
თემა
შეტყობინება
