გაცვლითი პროგრამა კლაიპედას გამოყენებითი მეცნიერებების სახელმწიფო უნივერსიტეტში კსუ-ს სტუდენტებისთვის

მონაწილეობა შეუძლიათ კავკასიის საერთაშორისო უნივერსიტეტის ბიზნესისა და მედიცინის ფაკულტეტის სტუდენტებს. სავალდებულოა ინგლისური, ლიტვური ან რუსული ენის ცოდნა B2 დონეზე.

დაფინანსება: ბაკალავრიატისა და მაგისტრატურის სტუდენტები მიიღებენ ყოველთვიურ სტიპენდიას 380 ევროს ფარგლებში. მოგზაურობას და საცხოვრებელ ხარჯებს ფარავს მონაწილე.

სააპლიკაციო პროცედურა: დაინტერესებულმა სტუდენტებმა კსუ-ს საერთაშორისო ურთიერთობების სამსახურის ელექტრონული ფოსტის მისამართზე ird@ciu.edu.ge PDF ფორმატში გადმოგვიგზავნეთ თქვენი:

• პირადობის დამადასტურებელი დოკუმენტი
• CV (ინგლისურ ენაზე)
• ინგლისური ან ლიტვური ენის ცოდნის დამადასტურებელი სერტიფიკატი (TOEFL, IELTS, CPE ან სხვა). ამგვარი სერტიფიკატის არარსებობის შემთხვევაში კსუ ჩაატარებს ტესტირებას კანდიდატებისთვის.

საბუთების მიღების ბოლო ვადაა 3 აპრილი, 2019.

დამატებითი ინფორმაციისთვის მოგვმართეთ კსუ-ს საერთაშორისო ურთიერთობების დეპარტამენტს: ird@ciu.edu.ge, +995 32 261 12 98 (შიდა 109), ოთახი 513.