14 -18 თებერვალს კავკასიის საერთაშორისო უნივერსიტეტის სამართლის სადოქტორო საგანმანათლებლო პროგრამის სტუდენტები რექტორთან, ვიცე რექტორთან, კანცლერის მრჩეველთან, დოქტორანტურის სამსახურის წარმომადგენლებთან, სამართლის ფაკულტეტის დეკანთან და პროფესორ-მასწავლებლებთან ერთად სამეცნიერო საგანმანათლებლო ტურის ფარგლებში იმყოფებოდნენ უნგრეთში, ქალაქ ბუდაპეშტში.
პროექტი განხორციელდა უნივერსიტეტის კანცლერის, ბატონი ვახტანგ წივწივაძის ფინანსური მხარდაჭერითა და დოქტორანტურის სამსახურის ინიციატივით.
სამეცნიერო სემინარს თემაზე - ,,ციფრული მმართველობა და ელექტრონული ხელმოწერები”- წარუძღვა სამართლის ფაკულტეტის დეკანი, პროფესორი გიორგი ხატიძე და კანცლერის მრჩეველი მეცნიერებისა და ინოვაციების საკითხებში პროფესორი ზვიად გაბისონია, თემამ დოქტორანტებისა და პროფესორ-მასწავლებლების განსაკუთრებული ინტერესი გამოიწვია, გაიმართა საინტერესო დისკუსია, დაისახა სამომავლო პერსპექტივები.
კულტურულ-საგანმანათლებლო ღონისძიებების ფარგლებში ჯგუფმა მოინახულა ქალაქის ღირსშესანიშნაობები.
აღსანიშნავია, რომ, ერთი მხრივ, საინტერესო და აქტუალურმა სამეცნიერო აქტივობამ, ხოლო, მეორე მხრივ, არაფორმალურ გარემოში დოქტორანტების, ადმინისტრაციის წარმომადგენელებისა და პროფესორ მასწავლებლების კომუნიკაციამ დადებითი შედეგები მოიტანა გუნდის გაერთიანებისა და საერთო მიზნების მიღწევის თვალსაზრისით.
ადრესატი
თქვენი სახელი
ელ-ფოსტა
თემა
შეტყობინება
