კსუ-ში ქვიზ ტურის მორიგი თამაში ჩატარდა

კსუ-ს ინტელექტკლუბის ინიციატივითა და ორგანიზებით, გაზაფხულის სეზონის ინტელექტუალური თამაშები ყოველკვირეულად იმართება.

4 მაისს მორიგი ასეთი შეჯიბრი - ,,ქვიზ ტურში“ ჩატარდა, რომელიც კინემატოგრაფიის შესახებ კითხვებსა და რვა  ეტაპს მოიცავდა. თითოეული ეტაპი -  რა, სად, როდის ტიპის შეკითხვებს, სლოგანებს, პოსტერებს, ფრაზებს, რეჟისორის მუზებსა და  კინემატოგრაფის მუსიკის გარშემო შეკითხვებს დაეთმო.

,,ქვიზ ტურის“ გამარჯვებული - გუნდი -  ,,ბრაჰმანების კასტა“ გახდა. პირველ ადგილზე გასული გუნდი ფულადი პრიზითა და ინტელექტკლუბის რეიტინგში ბონუს ქულით დაჯილდოვდა.

კსუ-ს ინტელექტკლუბის ორგანიზატორების ინფორმაციით, შეჯიბრის კითხვათა პაკეტის რედაქტორი - მარიამ ხოჯავა გახლდათ.