მედიცინის ფაკულტეტის საბჭოს გაერთიანებული სხდომა

კავკასიის საერთაშორისო უნივერსიტეტის მედიცინის ფაკულტეტის დეკანის მოწვევით, მედიცინის სწავლების თანამედროვე ტექნოლოგიების შესახებ ტრენინგი გაიმართა, რომელსაც ფაკულტეტის პროფესორ-მასწავლებლები ესწრებოდნენ.

შეხვედრის დროს, ლალი მეკოკიშვილმა - მედიცინის სწავლების დარგობრივ სტანდარტზე იმსჯელა და ის სიახლეები და გამოწვევები გააცნო პროფესორ-მასწავლებლებს, რომელიც 2019 წლის იანვრიდან შევა ძალაში.

ახალი სტანდარტები 15 დოკუმენტზე და გლობალურ სტანდარტებზე დაყრდნობით ჩამოყალიბდა და შედეგებსა და კომპეტენციებზე დაფუძნებულ სწავლას, ცოდნის ჰორიზონტალურ და ვერტიკალურ ინტეგრირებას, 360 გრადუსიან შეფასების სისტემას, ახალი სტანდარტების მიხედვით გაწერილ ობიექტურად სტრუქტურირებული პრაქტიკული (OSPE) და ობიექტურად სტრუქტურირებული კლინიკური გამოცდების (OSCE) ჩატარების მნიშვნელობას, PBL-ელის დანერგვას, პორტფოლიოსა და იმ მნიშვნელოვან მახასიათებლებს აერთიანებს, რასაც თანამედროვე განათლების სისტემა გულისხმობს.

ლალი მეკოკიშვილის გამოსვლის შემდგომ, დამსწრე საზოგადოების წინაშე, მედიცინის ფაკულტეტის ქართული და ინგლისური საბაკალავრო-საგანმანათლებლო პროგრამების თანახელმძღვანელი - ნინო სიხარულიძე, მოწვეული ექსპერტი - თამარ კეზერელი და კსუ-ს კლინიკური უნარ-ჩვევების ცენტრის ხელმძღვანელი - ეკატერინე ყიფიანი წარსდგნენ.

მომხსენებლებმა ახალი სტანდარტების მიხედვით გაწერილ ობიექტურად სტრუქტურირებული პრაქტიკული (OSPE) და ობიექტურად სტრუქტურირებული კლინიკური გამოცდების (OSCE) მნიშვნელობაზე გაამახვილეს ყურადღება და მედიცინის ფაკულტეტის პროგრამებში, ამ ტიპის თანამედროვე გამოცდის დანერგვის საკითხებზე იმსჯელეს.

კსუ-ს კლინიკური უნარ-ჩვევების ცენტრის ხელმძღვანელმა - ეკატერინე ყიფიანმა - შეკრებილ აუდიტორიას, ცენტრის საქმიანობა, მიზნები, გამოწვევები და არსებული მატერიალურ-ტექნიკური ბაზა გააცნო.

ტრენინგის დასკვნით ნაწილში, მონაწილე პროფესორ-მასწავლებლებმა, მათთვის საინტერესო შეკითხვები დაუსვეს მომხსენებლებს, განსახილველ საკითხებზე მსჯელობის დაწყების დროულობასა და აუცილებლობაზე ისაუბრეს და ტრენინგი დადებითად შეაფასეთ.

მონაწილე პროფესორებს ტრენინგის ბოლოს სერტიფიკატები გადაეცათ.

შეგახსენებთ, რომ მედიცინის ფაკულტეტზე მსგავსი ტიპის ტრენინგების ჩატარება როგორც ქართველი, ასევე უცხოელი ექსპერტების მონაწილეობით, უახლოეს მომავალშიც ჩატარდება.