უკრაინის ელჩის ვიზიტი კსუ-ში

კავკასიის გეოპოლიტიკური მოდელირების ლაბორატორიაში, საქართველოში უკრაინის ელჩი - იგორ დოლგოვი, კსუ-ს სტუდენტებსა და საქართველოში ახალგაზრდა უკრაინელთა ორგანიზაციის წარმომადგენლებს შეხვდა. შეხვედრა  კსუ-ს რექტორმა - კახაბერ კორძაიამ გახსნა.

სტუმრებმა და მომხსენებლებმა მრგვალი მაგიდის ფორმატში, საქართველო-უკრაინას შორის არსებულ თანამშრომლობის საკითხებზე იმსჯელეს და მომავალი ურთიერთობების პერსპექტივები განიხილეს.

მრგვალი მაგიდა,  საქართველო-უკრაინის ერთგულებისა და მეგობრობის ქომაგის - ლესია უკრაინკას ხსოვნის დღეს მიეძღვნა.

დისკუსიის მონაწილეებმა, შეკრებილ საზოგადოებას განხორციელებული პროექტების შესახებ მიაწოდეს ინფორმაცია და სამომავლო მიზნებზეც ისაუბრეს. საქართველოში უკრაინის ელჩის განცხადებით, მეცნიერება და განათლება, განვითარების ძირითადი ფაქტორებია.