23-24 თებერვალს, კავკასიის საერთაშორისო უნივერსიტეტმა, განათლების მე-8 საერთაშორისო გამოფენაში - International Education Fair Georgia 2018 მიიღო მონაწილეობა.
,,ექსპოჯორჯიას“ საგამოფენო პავილიონში დამთვალიერებლებს საშუალება მიეცათ, 14 ქვეყნიდან წარმოდგენილ 70-ზე მეტი მონაწილე უნივერსიტეტის საგანმანათლებლო პროგრამებს გასცნობოდნენ. კავკასიის საერთაშორისო უნივერსიტეტის სტენდი ტრადიციულად კორპორატიულ ფერში იყო გადაწყვეტილი. უნივერსიტეტმა წელს გამოფენაზე „კსუ მულტიმედია ცენტრი“ წარმოადგინა. შექმნილი სტუდიური გარემო დამთვალიერებელს საშუალებას აძლევდა გადასაღები მოედნის სპეციფიკას გაცნობოდა - ჩაეწერა სთენდაფები და ემუშავა პირდაპირ ეთერში. დამთვალიერებელმა მულტიმედია ცენტრის საქმიანობის შესახებ დეტალური ინფორმაცია მიიღო. მეტი თვალსაჩინოებისთვის კი მიერ მომზადებული ფილმებისა და სიუჟეტების ჩვენებაც მოეწყო. კსუ-ს სტენდთან, დაინტერესებულ აბიტურიენტებსა და სტუდენტებს, საჭირო ინფორმაციასა - უნივერსიტეტის თითოეული ფაკულტეტის წარმომადგენელი აწვდიდა და იმ სიახლეებს აცნობდა, რომელსაც კსუ მიმდინარე სასწავლო წელს ახორციელებს, კერძოდ, კსუ-ს ნებისმიერი პროგრამის პირველ ნომრად არჩევის შემთხვევაში აპლიკანტი - 15%-იანი, ხოლო მეორე ნომრად არჩევის შემთხვევაში - 7%-იანი შიდა გრანტით ისარგებლებს.
განათლების მე-8 საერთაშორისო გამოფენას, საპატიო სტუმრის ამპლუით, მოადგილეებთან ერთად, საქართველოს განათლებისა და მეცნიერების მინისტრი - მიხეილ ჩხენკელიც ესწრებოდა. მინისტრმა მონაწილეების, მათ შორის კსუ-ს სტენდიც დაათვალიერა და სტუდენტებთან ერთად სამახსოვრო ფოტო გადაიღო. ღონისძიების მიზანია შექმნას სრულყოფილი პლატფორმა განათლების სისტემაში არსებული სიახლეების და პროგრამების შესახებ ინფორმაციის სწრაფი და პირდაპირი მიმოცვლისათვის.
ადრესატი
თქვენი სახელი
ელ-ფოსტა
თემა
შეტყობინება
