განცხადება

განცხადება აკადემიურ თანამდებობათა დასაკავებლად გამოცხადებული კონკურსის შესახებ

კავკასიის  საერთაშორისო  უნივერსიტეტი, უცხოელ პროფესორთა საგანმანათლებლო, სამეცნიერო და კვლევით  პროცესებში ჩართვის მიზნით, აცხადებს  კონკურსს  აკადემიურ  თანამდებობათა  დასაკავებლად

მიმართულება ბიზნესის ადმინისტრირება

 პროფესორის აკადემიურ თანამდებობაზე 3  ვაკანსია

მიმართულება ჯანდაცვა

სპეციალობები მედიცინა, სტომატოლოგია, ფიზიკური მედიცინა და რეაბილიტაცია

საბაზისო მედიცინის დეპარტამენტი

პროფესორის აკადემიურ თანამდებობაზე  3 ვაკანსია

მედიცინის კლინიკური დისციპლინების დეპარტამენტი  

  პროფესორის აკადემიურ თანამდებობაზე 2 ვაკანსია

სტომატოლოგიის კლინიკური დისციპლინების დეპარტამენტი 

 პროფესორის აკადემიურ თანამდებობაზე 2 ვაკანსია

ფიზიკური მედიცინისა და რეაბილიტაციის კლინიკური დისციპლინების დეპარტამენტი

  პროფესორის აკადემიურ თანამდებობაზე  2 ვაკანსია

კონკურსი ცხადდება 2018  წლის 24 თებერვლიდან 

აკადემიური თანამდებობის დაკავების მსურველებმა  2018  წლის  26 მარტიდან  30 მარტის ჩათვლით კონკურსანტთა საბუთების მიმღებ კომისიას უნდა წარუდგინონ შემდეგი დოკუმენტები:

1. განცხადება საკონკურსო კომისიის სახელზე კონკურსში მონაწილეობის მისაღებად, შესაბამისი სპეციალობისა და აკადემიური თანამდებობის მითითებით; 

2. ავტობიოგრაფია (CV); 

3. პირადობის დამადასტურებელი დოკუმენტის ასლი;

4. ერთი ფოტოსურათი;

5. კვალიფიკაციის დამადასტურებელი ყველა საგანმანათლებლო დოკუმენტი;

6. სამეცნიერო–პედაგოგიური  მუშაობის გამოცდილების დამადასტურებელი დოკუმენტი/დოკუმენტები;

7. პროფესიული გამოცდილების დამადასტურებელი დოკუმენტი/დოკუმენტები;

8. ინფორმაცია ბოლო 10 წლის განმავლობაში გამოქვეყნებული სამეცნიერო შრომების შესახებ;

9. საერთაშორისო   სამეცნიერო კონფერენციებში, სასერტიფიკატო კურსებსა თუ ტრენინგებში მონაწილეობის დამადასტურებელი დოკუმენტების ასლები;  

 10. სამეცნიერო სტიპენდიებისა და გრანტების დამადასტურებელი დოკუმენტების ასლები, არსებობის შემთხვევაში;

აპლიკანტს ზემოაღნიშნული დოკუმენტაცია შეუძლია გადმოაგზავნოს ელექტრონულად, კავკასიის საერთაშორისო უნივერსიტეტის ელექტრონულ მისამართზე, ciu@ciu.edu.ge

პროფესორის აკადემიური თანამდებობის დასაკავებლად საჭიროა:

დოქტორის აკადემიური ხარისხი ან მასთან გათანაბრებული სამეცნიერო ხარისხი;

 უმაღლეს საგანმანათლებლო დაწესებულებაში არანაკლებ 6 წლის სამეცნიერო-პედაგოგიური მუშაობის გამოცდილება;

უკანასკნელი 10 წლის განმავლობაში გამოქვეყნებული სამეცნიერო პუბლიკაციების ავტორობა/თანაავტორობა;  

იმ საგანმანათლებლო პროგრამის განვითარების კონცეფცია (აღწერა), რომლის განხორციელებაში მონაწილეობის სურვილიც აქვს კონკურსანტს;

იმ  სასწავლო კურსების ხედვა, რომლის წაკითხვის სურვილიც აქვს კონკურსანტს აკადემიური თანამდებობის დაკავების შემთხვევაში; 

საგანმანათლებლო პროგრამისა და სილაბუსის შემუშავების პრაქტიკული გამოცდილება.

პროფესიული  ნიშნით კვალიფიკაციის  დასადასტურებლად:

დარგში მუშაობის  პროფესიული გამოცდილება, რაც შესაძლებელია დადასტურდეს, შესაბამის დარგში, არანაკლებ 5 წლის მუშაობის პრაქტიკული გამოცდილებით. თანაბარ პირობებში უპირატესობა მიენიჭება კონკურსანტს, რომელიც არის შესაბამისი დარგის / მიმართულების სადოქტორო პროგრამის დოქტორანტი და აქვს სამეცნიერო - პედაგოგიური მუშაობის გამოცდილება.

კონკურსი ჩატარდება ორ ეტაპად:

1. წარმოდგენილი დოკუმენტაციის მიხედვით კონკურსანტთა შერჩევა (კონკურსანტების დაუსწრებლად);

2. პირველ ეტაპზე შერჩეული კონკურსანტების საკონკურსო კომისიასთან გასაუბრება, საჭიროების შემთხვევაში.

გასაუბრება მოხდება ელექტრონული საკომუნიკაციო საშუალებების გამოყენებით.

კონკურსის პირობები:

საკონკურსო განაცხადი და შესაბამისი დოკუმენტაცია წარმოდგენილ უნდა იყოს საკონკურსო დოკუმენტაციის წარმოდგენის ვადებში;

ძირითად კრიტერიუმებთან კონკურსანტების განაცხადების შესაბამისობის დადგენის მიზნით, დოკუმენტაციის  გადარჩევა მოხდება საკონკურსო კომისიის მიერ.

კონკურსის პირველი ეტაპი  ჩატარდება 2018 წლის 31 მარტს;

კონკურსის მეორე ეტაპი (საჭიროების შემთხვევაში)  ჩატარდება 2018 წლის 2  აპრილს;

შედეგები გამოქვეყნდება 2018 წლის 2  აპრილს;

კონკურსანტთა საბუთების მიღება იწარმოებს მისამართზე
ქ. თბილისი, ჩარგლის ქუჩა #73, VII სართული, ოთახი # 712

ტელ.:  261-12-98;  2 30-86-41;  210-52-03