კავკასიის საერთაშორისო უნივერსიტეტს, სამუშაო ვიზიტით, ალკალას უნივერსიტეტის წარმომადგენელი საქართველოში, პროფესორი მიგელ ფილიპე კამბას სანტოსი და ესპანურ-ქართული განათლებისა და კულტურის ცენტრის დამფუძნებელი - ქეთევან გორგილაძე ესტუმრნენ.
მათ კსუ-ს კანცლერი ვახტანგ წივწივაძე, რექტორი - კახაბერ კორძაია, სასწავლო პროცესის მართვის დეპარტამენტის უფროსი - თამარ ინასარიძე, საერთაშორისო ურთიერთობების სამსახურის უფროსი - თამარ ჩახნაშვილი და ამავე სამსახურის წარმომადგენელი - ხატია მარშანია შეხვდნენ.
შეხვედრის დროს მხარეებმა უკვე განხორციელებულ და მიმდინარე პროგრამებზე ისაუბრეს, რომლის ფარგლებში კსუ-ს ბაკალავრიატისა და მაგისტრატურის ორი სტუდენტი ალკალას უნივერსიტეტში სემესტრული გაცვლითი პროგრამით იმყოფება.
პროფესორმა მიგელ ფილიპე კამბას სანტოსმა კსუ-ს წარმომადგენლებს არსებული თანამშრომლობისა და მემორანდუმის პუნქტების გაღრმავება და უნივერსიტეტებში არსებულ მაგისტრატურისა და დოქტორანტურის ინგლისურენოვან პროგრამებზე, ორმაგი დიპლომის გაცემის შესაძლებლობები გააცნო. ესპანური მხარის ეს შემოთავაზება, მაგისტრატურის საფეხურზე მყოფ სტუდენტებს საშუალებას მისცემს ერთი სემესტრით სწავლა ალკალას უნივერსიტეტში გააგრძელონ, ხოლო კსუ-ს დოქტორანტებს შესაძლებლობა ექნებათ სადოქტორო ნაშრომი ესპანელი და ქართველი პროფესორების ერთობლივი ხელმძღვანელობით მოამზადონ. პროფესორ მიგელ ფილიპე კამბას სანტოსის თქმით, გაცვლითი პროგრამების საშუალებით, ქართველი და ესპანელი სტუდენტები, ამ ორი ქვეყნის უკეთ გაცნობას შეძლებენ.
სამუშაო შეხვედის ბოლოს, კსუ-ს წარმომადგენლებმა სტუმრებს უნივერსიტეტის მევენახეობა-მეღვინეობის სამაგისტრო პროგრამის პრაქტიკული კომპონენტის სრულყოფის მიზნით შექმნილი უნიკალური მარანი - ,,კოლხი“ დაათვალიერებინეს. ესპანური და ქართული მხარე უახლოეს მომავალში აგრარული მიმართულებით თანამშომლობის სამომავლო გეგემებსაც დეტალურად განიხილავს.
ადრესატი
თქვენი სახელი
ელ-ფოსტა
თემა
შეტყობინება
