ინტელექტუალური თამაშის მესამე ტური

5 მაისს კავკასიის საერთაშორისო უნივერსიტეტში ინტელექტუალური თამაშის - რა? სად? როდის? -  მესამე ტური გაიმართა. ინტელექტუალურ თამაშში, კსუ-ს სხვადასხვა ფაკულტეტის სტუდენტებისგან დაკომპლექტებული გუნდები მონაწილეობენ. შეგახსენებთ, რომ  უნივერსიტეტში ინტელექტკლუბი კსუ-ს სტუდენტების ბაკურ ხუბულავასა და ჯემალ კონცელიძის ინიციატივით ჩამოყალიბდა.

თამაშის მოწვეული სტუმარი, ინტელექტკლუბის წევრი, ხელოვნებათმცოდნე - ნინო გოგინაშვილი გახლდათ. მე-3 ტურის შედეგების საფუძველზე უკვე გამოიკვეთნენ ლიდერი გუნდები - ,,სონო ტორნატო“, ,,ოლიმპოს ღმერთები“ და ,,ჰიდრა“, თუმცა  ორგანიზატორების განცხადებით, შედეგები საბოლოო ეტაპზე დაითვლება. მიღებული მონაცემების საფუძველზე, წარმატებული მოთამაშეებისგან დაკომპლექტებული გუნდი, უნივერსიტეტის სახელსა და ღირსებას სტუდენტურ  ჩემპიონატებსა და უნივერსიადაში დაიცავს.