შეხვედრა მედიცინის ფაკულტეტის სტუდენტებთან

3 მაისს, კავკასიის საერთაშორისო უნივერსიტეტის მედიცინის ფაკულტეტის სტუდენტებს კანცლერი - ვახტანგ წივწივაძე, რექტორი - კახაბერ კორძაია, კსუ-ს მედიცინის ფაკულტეტის დეკანი ლალი მეკოკიშვილი და სამეცნიერო ცენტრის ხელმძღვანელი,  პროფესორი - ომარ ახმეტელაშვილი შეხვდნენ.

უნივერსიტეტის წარმომადგენლებმა ქართული ფიზიოლოგიური სკოლის დამფუძნებლის ივანე ბერიტაშვილის სახელობის სტიპენდიანტი - მეორე კურსის სტუდენტი - ირაკლი ღლონტი დაასახელეს და სტუდენტებს მაღალი აკადემიური მოსწრებისა და კარგი სწავლისკენ მოუწოდეს.

კსუ-ს კანცლერის თქმით, მომავალში, უამრავი საინტერესო პროექტისა და ინიციატივის  პარალელურად, სხვადასხვა სახელობითი სტიპენდიების დაწესება იგეგმება. ამ გზით, წარმატებული სტუდენტები წახალისდებიან, მათ კურსელებსა და ჯგუფელებს კი სწავლის  მეტი მოტივაცია გაუჩნდებათ.