ზბიგნიევ ლევიცკის ვიზიტი კსუ-ში

2 მაისს, კავკასიის საერთაშორისო უნივერსიტეტს ამერიკული კულტურისა და პოლიტიკის ექსპერტი,  ვარშავისა და  კარდინალ სტეფან ვიშინსკის უნივერსიტეტის პროფესორი, აკადემიური საბჭოს თავჯდომარე, ზბიგნიევ ლევიცკი ესტუმრა.  პროფესორმა სამუშაო შეხვედრა კსუ-ს რექტორთან კახაბერ კორძაიასთან გამართა, სადაც მხარეებმა სამომავლო გეგმებსა და თანამშრომლობაზე ისაუბრეს.

რექტორთან შეხვედრის შემდეგ, ამერიკული კულტურისა და პოლიტიკის ექსპერტმა, საჯარო ლექცია ტემაზე ,,დონალდ ტრამპი სასამართლოს წინააღმდეგ: არღვევს თუ არა კანონს მისი აღმასრულებელი გადაწყვეტილებებით“ - ჩაატარა.  ლექციის ძირითად აუდიტორიას კსუ-ს საერთაშორისო ურთიერთობების სპეციალობის სტუდენტები წარმოადგენდნენ.

სპიკერმა პოლიტიკური ლიდერის ხასიათის შტრიხებზე, პრეზიდენტის უფლება მოვალეობებზე, პოლიტიკური ძალაუფლებისა და სურვილის შესახებ ისაუბრა. სტუმარმა ახლანდელი პრეზიდენტი აშშ-ს სხვა პრეზიდენტებსაც შეადარა.

შეხვედრა კითხვა პასუხის რეჟიმით წარიმართა, სტუდენტებმა სპიკერს მათთვის საინტერესო შეკითხვები დაუსვეს.