პეტრე მამრაძის საჯარო ლექცია

14 დეკემბერს კავკასიის საერთაშორისო უნივერსიტეტის საკონფერენციო დარბაზში მართვის სტრატეგიული ინსტიტუტის გამგეობის  თავმჯდომარემ, კსუ-ს ასოცირებულმა პროფესორმა პეტრე მამრაძემ საჯარო ლექცია ,,საქართველო და დასავლეთი“ ჩაატარა.

მომხსენებელმა უახლოესი წარსული ვრცლად მიმოიხილა, შეეხო აფხაზეთის კონფლიქტის საკითხებს, აგვისტოს ომის თემატიკას, ტერიტორიული მთლიანობის აღდგენის საკითხებსა და საქართველო-ნატოს ურთიერთობას.

საჯარო ლექციას კსუ-ს რექტორატი, ადმინისტრაციის წარმომადგენლები და სხვადასხვა ფაკულტეტის სტუდენტები ესწრებოდნენ.

ლექციის ბოლოს დამსწრე საზოგადოებას პეტრე მამრაძისთვის შეკითხვების დასმის საშუალება მიეცა.