კსუ-მ ბოულინგში პირველი ადგილი დაიკავა

10 ნოემბერს, „თბილისის სტუდენტური ოლიმპიადა 2016“ -ის ფარგლებში, ბოულინგის ჩემპიონატის ფინალური თამაში გაიმართა.

ჩემპიონატზე გამარჯვებისთვის სხვა უნივერსიტეტებთან ერთად კავკასიის საერთაშორისო უნივერსიტეტიც იბრძოდა და ექვსკაციანი შემადგენლობით პირველი ადგილის დაკავება შეძლო.

ჩემპიონატზე სამი საპრიზო ადგილი ასე გადანაწილდა:

I ადგილი - კავკასიის საერთაშორისო უნივერსიტეტი - კსუ 1;

II ადგილი - საქართველოს ტექნიკური უნივერსიტეტი - სტუ 2;

III ადგილი - საქართველოს ტექნიკური უნივერსიტეტი - სტუ 1.

გამარჯვებულებს ორგანიზატორებისგან ფულადი პრიზი ოლიმპიადის დახურვის ცერემონიაზე გადაეცემათ.

კავკასიის საერთაშორისო უნივერსიტეტი უკვე მეორე წელია აქტიურად არის ჩართული „თბილისის სტუდენტური ოლიმპიადის“ ფარგლებში განხორციელებულ აქტივობებში.