განცხადება

განცხადება აკადემიურ თანამდებობათა დასაკავებლად გამოცხადებული კონკურსის

                                                                                  შესახებ

კავკასიის  საერთაშორისო  უნივერსიტეტი აცხადებს  კონკურსს  აკადემიურ თანამდებობათა  დასაკავებლად

მიმართულება - სამართალი

სპეციალობა - კერძო სამართალი

ასოცირებული პროფესორის აკადემიურ თანამდებობაზე  2 ვაკანსია

სპეციალობა - სისხლის სამართალი

ასოცირებული პროფესორის აკადემიურ თანამდებობაზე 2 ვაკანსია

სპეციალობა - საჯარო სამართალი

ასოცირებული პროფესორის აკადემიურ თანამდებობაზე 2  ვაკანსია

მიმართულება - ბიზნესის ადმინისტრირება

ასოცირებული პროფესორის აკადემიურ თანამდებობაზე  2 ვაკანსია


მიმართულება - სოციალური მეცნიერებები

სპეციალობა - საერთაშორისო ურთიერთობები

პროფესორის აკადემიურ თანამდებობაზე 1 ვაკანსია

ასოცირებული პროფესორის აკადემიურ თანამდებობაზე 1 ვაკანსია

სპეციალობა - პოლიტიკის მეცნიერებები

პროფესორის აკადემიურ თანამდებობაზე 2 ვაკანსია

ასოცირებული პროფესორის აკადემიურ თანამდებობაზე 5 ვაკანსია

მიმართულება - ჯანდაცვა

სპეციალობა - მედიცინა

ასოცირებული პროფესორის აკადემიურ თანამდებობაზე 2 ვაკანსია

ასისტენტ-პროფესორის აკადემიურ თანამდებობაზე 2 ვაკანსია

სპეციალობა - სტომატოლოგია

პროფესორის აკადემიურ თანამდებობაზე 1 ვაკანსია

ასოცირებული პროფესორის აკადემიურ თანამდებობაზე 2 ვაკანსია

კონკურსი ცხადდება 2016 წლის 4 აგვისტოდან

აკადემიური თანამდებობის დაკავების მსურველებმა 2016 წლის 5 სექტემბრიდან 8 სექტემბრის  ჩათვლით კონკურსანტთა საბუთების მიმღებ კომისიას უნდა წარუდგინონ შემდეგი დოკუმენტები:

• განცხადება საკონკურსო კომისიის სახელზე კონკურსში მონაწილეობის მისაღებად, შესაბამისი სპეციალობისა და აკადემიური თანამდებობის მითითებით (ივსება ადგილზე); 
• ავტობიოგრაფია (CV); 
• პირადობის დამადასტურებელი დოკუმენტის ასლი;
• ერთი ფოტოსურათი;
• კვალიფიკაციის დამადასტურებელი ყველა საგანმანათლებლო დოკუმენტის ნოტარიულად დამოწმებული ასლი;
• სამეცნიერო–პედაგოგიური მუშაობის გამოცდილების დამადასტურებელი დოკუმენტი/დოკუმენტები;
• პროფესიული გამოცდილების დამადასტურებელი დოკუმენტი/დოკუმენტები;
• ინფორმაცია ბოლო 10 წლის განმავლობაში გამოქვეყნებული სამეცნიერო ნაშრომების შესახებ;
• საერთაშორისო და ადგილობრივ სამეცნიერო კონფერენციებში, სასერთიფიკატო კურსებსა თუ ტრენინგებში მონაწილეობის დამადასტურებელი დოკუმენტების ასლები (თანაბარ პირობებში უპირატესობა მიენიჭება კონკურსანტს, რომელსაც საერთაშორისო სამეცნიერო კონფერენციებში მონაწილეობა მეტჯერ ექნება მიღებული);
• სამეცნიერო სტიპენდიებისა და გრანტების დამადასტურებელი დოკუმენტების ასლები.

უმაღლესი განათლების შესახებ საქართველოს კანონის 35-ე მუხლის თანახმად:

1. პროფესორის თანამდებობაზე შეიძლება აირჩეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს სამეცნიერო-პედაგოგიური მუშაობის არანაკლებ 6 წლის გამოცდილება, განსაკუთრებული პროფესიული ან/და სამეცნიერო მიღწევები და რომელიც აკმაყოფილებს უმაღლესი საგანმანათლებლო დაწესებულების წესდებით განსაზღვრულ პირობებს. პირი პროფესორის თანამდებობაზე უვადოდ აირჩევა;

2. ასოცირებული პროფესორის თანამდებობაზე შეიძლება აირჩეს დოქტორის აკადემიური ან მასთან გათანაბრებული ხარისხის მქონე პირი, რომელსაც აქვს სამეცნიერო-პედაგოგიური მუშაობის არანაკლებ 3 წლის გამოცდილება;

3. ასისტენტ-პროფესორის თანამდებობაზე უმაღლესი საგანმანათლებლო დაწესებულების წესდებით განსაზღვრული წესით შეიძლება აირჩეს დოქტორის აკადემიური ან მასთან გათანაბრებული  ხარისხის მქონე პირი 3 ან 4 წლის ვადით;

5. უმაღლესი საგანმანათლებლო დაწესებულების წესდებით შეიძლება განისაზღვროს პროფესიული ნიშნით კვალიფიციური პერსონალის მიერ ამ მუხლის პირველი−მე-4 პუნქტებით გათვალისწინებული აკადემიური თანამდებობების დაკავების შესაძლებლობა. ამ შემთხვევაში პირის კვალიფიკაცია შეიძლება დასტურდებოდეს პროფესიული გამოცდილებით, სპეციალური მომზადებით ან/და პუბლიკაციებით. შესაბამისი კვალიფიკაციის მქონედ ითვლება პირი, რომელსაც აქვს პროგრამით გათვალისწინებული სწავლის შედეგების გამომუშავებისათვის აუცილებელი კომპეტენცია.

პროფესორის აკადემიური თანამდებობის დასაკავებლად დამატებით საჭიროა:

• საგანმანათლებლო პროგრამის განვითარების კონცეფცია (აღწერა), რომლის განხორციელებაში მონაწილეობის სურვილიც აქვს კონკურსანტს;
• სასწავლო კურსების შესახებ თავისი ხედვა, რომლის წაკითხვის სურვილიც აქვს კონკურსანტს აკადემიური თანამდებობის დაკავების შემთხვევაში; 
• საგანმანათლებლო პროგრამისა და სილაბუსის შემუშავების პრაქტიკული გამოცდილება;
• ყველა სხვა თანაბარ პირობებში უპირატესობა მიენიჭება ინგლისური ენის ცოდნას.

ასოცირებული პროფესორის აკადემიური თანამდებობის დასაკავებლად დამატებით საჭიროა:

• შესაბამის დარგში იმ სასწავლო კურსების შესახებ თავისი ხედვა, რომლის წაკითხვის სურვილიც აქვს კონკურსანტს აკადემიური თანამდებობის დაკავების შემთხვევაში; 
• საგანმანათლებლო პროგრამისა და სილაბუსის შემუშავების პრაქტიკული გამოცდილება;
• ყველა სხვა თანაბარ პირობებში უპირატესობა მიენიჭება ინგლისური ენის ცოდნას.

პროფესიული ნიშნით კვალიფიკაციის დასადასტურებლად:

• პროფესიული გამოცდილება, რაც შესაძლებელია დადასტურდეს, შესაბამის დარგში, წამყვან თანამდებობებზე არანაკლებ 5 წლის მუშაობის დამადასტურებელი საბუთით;
• უპირატესობა მიენიჭება ინგლისური ენის ცოდნას.

კონკურსი ჩატარდება ორ ეტაპად:

1. წარმოდგენილი დოკუმენტაციის მიხედვით კონკურსანტთა შერჩევა (კონკურსანტების დაუსწრებლად);

2. პირველ ეტაპზე შერჩეული კონკურსანტების საკონკურსო კომისიასთან გასაუბრება / იმიტირებული ლექციის ჩატარება (საჭიროების შემთხვევაში).

კონკურსის პირობები:

კონკურსში მონაწილეობის მსურველებმა საკონკურსო განაცხადი და შესაბამისი დოკუმენტაცია უნდა წარმოადგინონ საკონკურსო დოკუმენტაციის წარმოდგენის ვადებში;

უცხო ქვეყნის საგანმანათლებლო დოკუმენტთან ერთად უნდა წარმოადგინონ, საქართველოს კანონმდებლობით დადგენილი წესით, მისი აღიარების დამადასტურებელი დოკუმენტი;

ძირითად კრიტერიუმებთან კონკურსანტების განაცხადების შესაბამისობის დადგენის მიზნით, დოკუმენტაციას გადაარჩევს საკონკურსო კომისია.

კონკურსის პირველი ეტაპი ჩატარდება 2016 წლის 9 სექტემბერს;

კონკურსის მეორე ეტაპი ჩატარდება 2016 წლის 10 სექტემბერს;

შედეგები გამოქვეყნდება 2016 წლის 10 სექტემბერს;

კონკურსანტთა საბუთების მიღება იწარმოებს მისამართზე
ქ. თბილისი, ჩარგლის ქუჩა #73, VII სართული, ოთახი # 712

ტელ.: 261-12-98; 2 30-86-41; 210-52-03