გადაცემათა ციკლის - ქართლის ცხოვრება მარიამ ლორთქიფანიძესთან ერთად - პრეზენტაცია კახეთში

კავკასიის საერთაშორისო უნივერსიტეტის წარმომადგენლები, სამეგრელოს შემდეგ, კახეთს ესტუმრნენ.

18 ივლისს, ილია ჭავჭავაძის სახელმწიფო მუზეუმში გამართულ პრეზენტაციას კახეთის საგანმანათლებლო რესურსცენტრების წარმომადგენლები და საჯარო სკოლების დირექტორები ესწრებოდნენ.

სამეგრელოს მსგავსად, სწავლების პროცესში, დოკუმენტურ ფილმებს - „ქართლის ცხოვრება მარიამ ლორთქიფანიძესთან ერთად“ პედაგოგები კახეთის მხარის სკოლებშიც გამოიყენებენ.

„ქართლის ცხოვრება მარიამ ლორქიფანიძესთან ერთად“ თექვსმეტი სასწავლო-შემეცნებითი დოკუმენტური ფილმისგან შედგება. ციკლში საქართველოს ისტორიის ეტაპები და საუკუნეების მანძილზე განვითარებული მოვლენები მსოფლიო ისტორიულ პროცესებთან მიმართებაშია განხილული.

შეხვედრაზე აუდიტორიამ მულტიმედია ცენტრის კიდევ ერთი ფილმი  - „მე მთელ დედამიწას დუელში ვიწვევ“ ნახა. ფილმი გალაკტიონ ტაბიძის სიცოცხლის უკანასკნელ საათებს ეხება.

კავკასიის საერთაშორისო უნივერსიტეტის მულტიმედია ცენტრმა კახეთის სკოლებს საჩუქრად სასწავლო-შემეცნებითი ფილმების სერია „რუსთველის სამყარო თამაზ კვაჭანტირაძე“ გადასცა. საჯარო სკოლებს შესაძლებლობა ექნებათ აღნიშნული მულტიმედიური რესურსი ქართული ენისა და ლიტერატურის გაკვეთილებზე გამოიყენონ.

იხილეთ ვიდეო

იხილეთ ფოტოგალარეა