Erasmus+ სტუდენტური გაცვლითი პროგრამა პოლონეთში

კავკასიის საერთაშორისო უნივერსიტეტი აცხადებს სტუდენტების მიღებას Erasmus+ სემესტრულ გაცვლით პროგრამაზე ნოვი სონჩის ბიზნესის სკოლაში - ლუის ეროვნული უნივერსიტეტი (ნოვი სონჩი, პოლონეთი).

პროგრამაში მონაწილეობა შეუძლიათ კსუ-ს ბიზნესის ფაკულტეტის მენეჯმენტის საბაკალავრო და საერთაშორისო ბიზნესის მენეჯმენტის სამაგისტრო საგანმანათლებლო პროგრამების სტუდენტებს.

სწავლის ხანგრძლივობა - 1 სემესტრი (2019-2020 სასწავლო წლის გაზაფხულის სემესტრი)

საკონკურსო ადგილების რაოდენობა - 1

დაფინანსება - სრული (მგზავრობა, დაზღვევა, ცხოვრება) (4 000 EUR + 275 EUR)

მონაწილეობის მსურველებმა 2019 წლის 10 ნოემბრამდე ელ.ფოსტის მისამართზე ird@ciu.edu.ge უნდა გამოაგაგზავნონ შემდეგი სააპლიკაციო დოკუმენტები (pdf ფორმატით):

• პირადობის დამადასტურებელი საბუთის ასლი
• ცნობა სტუდენტის სტატუსის შესახებ (ინგლისურ ენაზე);
• ნიშნების ფურცელი (ინგლისურ ენაზე);
• სამოტივაციო წერილი (ინგლისურ ენაზე);
• CV (ინგლისურ ენაზე).

მონაწილეობის შერჩევა ხდება შემდეგი კრიტერიუმების მიხედვით:

• ინგლისური ენის ცოდნა მინიმუმ B1 დონეზე
• სოციალური აქტივობები;
• საჯარო ღონისძიებებში მონაწილეობა;
• ბოლო სემესტრის აკადემიური მიღწევები.

ინფორმაცია კონკურსის შემდგომი ეტაპების შესახებ მონაწილეებს მიეწოდებათ ელ. ფოსტის მისამართებზე.

დამატებითი ინფორმაციისთვის დაგვიკავშირდით კსუ-ს საერთაშორისო ურთიერთობების დეპარტამენტს (507-ე ოთახი), ird@ciu.edu.ge , +995 32 261 12 98 (შიდა 109).