1 მარტს, კავკასიის საერთაშორისო უნივერსიტეტსა და „სისტემ კორპს“ (SYSTEM CORP) შორის ურთიერთთანამშრომლობის მემორანდუმი გაფორმდა, რომელიც უნივერსიტეტში თანამედროვე კიბერ-ტექნოლოგიური მიმართულების უმაღლესი საგანმანათლებლო პროგრამების შექმნას, განვითარებასა და არაფორმალური განათლების მიღების შესაძლებლობის ზრდას გულისხმობს.
მემორანდუმის თანახმად მხარეები ერთობლივად განახორციელებენ თანამედროვე კიბერ ტექნოლოგიებისა და ხელოვნური ინტელექტის დანერგვას სასწავლო პროცესის განხორციელებაში; აქტიურად ითანამშრომლებენ თანამედროვე კომპიუტერული უმაღლესი საგანმანათლებლო და სასწავლო კურსების ერთობლივად მომზადებისა და განხორციელების მიმართულებით; ერთობლივად იმუშავებენ ტექნოლოგიური მიმართულებით ინოვაციურ პროექტებზე, სტარტაპებზე და სხვა იდეებზე; განახორციელებენ IT ტექნოლოგიების სასწავლო კურსებს უნივერსიტეტის თანამშრომლებისთვის, სტუდენტებისა და გარეშე პირთათვის; ერთობლივი საქმიანობის ფარგლებში მხარეები გამოიყენებენ ერთმანეთის მატერიალურ-ტექნიკურ საშუალებებს და რესურსებს; ითანამშრომლებენ ერთობლივი პროექტების შემუშავებაზე ადგილობრივი და საერთაშორისო საგრანტო კონკურსების ფარგლებში; მხარეები გამოიყენებენ ერთმანეთის საერთაშორისო კავშირებს მემორანდუმით გათვალისწინებული მიზნების მისაღწევად.
ურთიერთთანამშრომლობის მემორანდუმს კავკასიის საერთაშორისო უნივერსიტეტის რექტორმა კახაბერ კორძაიამ და „სისტემ კორპის“ დამფუძნებელმა და დირექტორმა ლუკა ჩხეტიანმა მოაწერეს ხელი.
ადრესატი
თქვენი სახელი
ელ-ფოსტა
თემა
შეტყობინება
