2015 წელს, გაეროს გენერალურმა ასამბლეამ მიიღო რეზოლუცია, რომლის თანახმადაც 11 თებერვალი „მეცნიერ ქალთა და გოგონათა საერთაშორისო დღედ“ გამოცხადდა. ამ დღეს, გაერო მსოფლიოს სახელმწიფოებს, ორგანიზაციებსა და ადამიანებს მოუწოდებს მეცნიერებასა და განათლებაში ხელი შეუწყონ ქალების თანასწორ განვითარებას. გაერო იმედოვნებს, რომ მეცნიერებაში სქესთა შორის განსხვავება აღმოიფხვრება და იგი ქალებისთვის მეტად ხელმისაწვდომი გახდება.
ამ მიმართულებით, კავკასიის საერთაშორისო უნივერსიტეტის ინიციატივით დაწესებულია პრემია „თამარი“, რომელიც კონკურსის წესით ავლენს უნივერსიტეტში მოღვაწე წარმატებულ მეცნიერებს, პოსტდოქტორანტებსა და დოქტორანტებს, რომელთა სამეცნიერო და კვლევითი აქტივობები ჯეროვნად ფასდება. კონკურსის საორგანიზაციო ჯგუფის გადაწყვეტილებით, სამეცნიერო პრემიის სახელწოდება კავკასიაში პროგრესული და ჰუმანური პოლიტიკის გამტარებლის, ინტელექტუალთა და ხელოვანთა მფარველის, საქართველოს მეფის - თამარის პატივსაცემად მიენიჭა.
აღსანიშნავია, რომ პრემიით კავკასიის საერთაშორისო უნივერსიტეტის 6 მეცნიერი დაჯილდოვდა, რომელთაგან 5 ქალბატონია.
კავკასიის საერთაშორისო უნივერსიტეტი აწარმოებს კვლევების დაფინანსების საგრანტო სისტემას, რომლის მიზანია ხელი შეუწყოს ახალი ცოდნის, თეორიებისა და მოდელების შექმნას, კვლევის შედეგების სასწავლო პროცესში ინტეგრაციას, ახალგაზრდა მკვლევრების ჩართვას კვლევით პროცესში, ახალგაზრდების მოზიდვას, ინტერნაციონალიზაციას, უნივერსიტეტსა და უცხოურ უნივერსიტეტებს შორის ერთობლივი კვლევების წარმოებას და მაღალი ხარისხის სამეცნიერო კვლევების განვითარებას. კვლევის შედეგები გრძელვადიან პერსპექტივაში წვლილს შეიტანს მეცნიერულ, სოციალურ, ეკონომიკურ, კულტურულ და ა.შ. განვითარებაში ეროვნულ ან/და საერთაშორისო დონეზე.
აღსანიშნავია, რომ უნივერსიტეტის მიერ ამ ეტაპზე დაფინანსებულია 12 კვლევითი პროექტი, რომელთაგან 11-ის ხელმძღვანელი ქალი მეცნიერია.
ადრესატი
თქვენი სახელი
ელ-ფოსტა
თემა
შეტყობინება
