განცხადება საგამოცდო პერიოდთან დაკავშირებით

H1N1 ვირუსთან დაკავშირებით ქვეყანაში არსებული მდგომარეობის გათვალისწინებით, კავკასიის საერთაშორისო უნივერსიტეტმა გადაწყვიტა მაქსიმალურად შეამციროს რისკი და ყველა სტუდენტის ინტერესის გათვალისწინებით (უცხოენოვანი პროგრამების სტუდენტების ნაწილს დაჯავშნილი აქვს თვითმფრინავის ბილეთები, სამაგისტრო და სადოქტორო პროგრამის სტუდენტთა ნაწილს სამსახურში შეთანხმებული აქვს საგამოცდო ცხრილი და ა.შ.) გაცნობებთ:

1. საბაკალავრო პროგრამების სტუდენტებისათვის საგამოცდო პერიოდი 14 იანვრიდან გადაიწევს 21 იანვრამდე (12 იანვარს ჩვეულ რეჟიმში ჩატარდება გამოცდები);
2. სამაგისტრო, სადოქტორო და უცხოენოვანი პროგრამის სტუდენტები ჩვეული რეჟიმით გააგრძელებენ გამოცდების პროცესს 14 იანვრიდან (12 იანვარს ჩვეულ რეჟიმში ჩატარდება სასწავლო პროცესი);
3. სტუდენტებს, რომელთაც ვირუსის რისკის გათვალისწინებით არ სურთ 21 იანვრამდე პერიოდში გამოცდაზე გამოცხადება (ბაკალავრები 12 იანვარს და მაგისტრანტები, დოქტორანტები და უცხოელები - 14 იანვრიდან), ყოველგვარი განცხადებისა და ცნობის გარეშე ექნებათ შესაძლებლობა ჩააბარონ გაცდენილი გამოცდები.

აქვე გაცნობებთ, რომ უნივერსიტეტი ყოველდღიურად ახდენს საგამოცდო სივრცის სპეციალური სადეზინფექციო ხსნარებით დამუშავებასა და სათანადო წესით აუდიტორიების განიავებას.

გისურვებთ ჯანრთელობას და წარმატებებს გამოცდებზე.